Вашингтон, 5 јуни 2020 година – Нова серија белешки од Светска банка се достапни, кои го разгледуваат влијанието од КОВИД-19 врз фискалните политики, финансискиот сектор, надворешниот и приватниот сектор во земјите од Западен Балкан.
Овие белешки го комплетираат неодамна објавениот Редовен економски извештај за земјите од Западен Балкан бр. 17 и придружните белешки за земјата – објавени на 29-ти април и 29-ти мај – и покажуваат како се предвидува да влијаат макроекономските последици од КОВИД -19 на Западен Балкан. Оваа последна група белешки опфаќа специфични секторски теми - фискални, финансиска и надворешна политика и влијанието врз приватниот сектор, како што е соопштено од фирмите, - кои се клучни за соодветен краткорочен и среднорочен одговор на влијанијата од КОВИД -19.
Најновите белешки се:
- Економското и социјално влијание од КОВИД – 19 врз фискалните политики
- Економското и социјално влијание од КОВИД – 19 врз финасискиот сектор
- Економското и социјално влијание од КОВИД – 19 врз надворешниот сектор
- Ранливоста од КОВИД-19 во Западен Балкан: Перспектива од ниво на фирма
Комплетниот Редовен економски извештај за Западен Балкан бр. 17 сега дава целосна слика за последиците од пандемијата КОВИД - 19 врз Западен Балкан и советува како да се дизајнираат соодветни макро, социјални и секторски специфични политики во регионот, на краток и среден рок.
Сите извештаи се достапни на: https://www.worldbank.org/eca/wbrer
