ສປປ ລາວ: ໂຄງການສະໜັບສະໜູນດ້ານງົບປະມານສຸກເສີນເພື່ອຕອບໂຕ້ກັບ ເຊື້ອຈຸລະໂລກສາຍພັນໃໝ່ ໂຄວິດ-19

ນະຄອນຫຼວງວຽງຈັນ, 07 ເມສາ 2020 - ໃນມື້ນີ້ຮອງປະທານທະນາຄານໂລກປະຈໍາພາກພື້ນອາຊີຕາເວັນອອກ ແລະ ປາຊີຟິກ ໄດ້ອະນຸມັດງົບປະມານມູນຄ່າUS$18 ລ້ານໂດລາສະຫະລັດ ໃຫ້ແກ່ ສປປ ລາວ ເພື່ອຊ່ວຍໃນການຕອບໂຕ້ ແລະ ຮັບມື ກັບການລະບາດໃຫ່ຍຂອງເຊື້ອຈຸລະໂລກສາຍພັນໃໝ່ ຫຼື ພະຍາດໂຄວິດ-19. ໂຄງການຕອບໂຕ້ເຊື້ອພະຍາດໂຄວິດ-19 ຂອງ ສປປ ລາວ ນີ້ ແມ່ນເພື່ອຊ່ວຍໃນການກຽມຄວາມພ້ອມຂອງບັນດາກິດຈະກໍາຕ່າງໆໃນການຮັບມືກັບເຫດສຸກເສີນ ກໍ່ຄື ການປ້ອງກັນ ແລະ ຄວບຄຸມ ການຕິດເຊື້ອ, ການກວດຫາກໍລະນີ ຕິດເຊື້ອ ແລະ ການຄົ້ນຫາຜູ້ທີ່ໄດ້ໃກ້ຊິດກັບຜູ້ຕິດເຊື້ອ, ການຄຸ້ມຄອງກໍລະນີຜູ້ຕິດເຊື້ອ ແລະ ການສື່ສານແລະໃຫ້ຄວາມຮູ້ກ່ຽວກັບການລະບາດຂອງພະຍາດດັ່ງກ່າວ. ໂຄງການນີ້ ຍັງຈະຊ່ວຍຍົກລະດັບຄວາມອາດສາມາດໃນການເຝົ້າລະວັງ ແລະ ທັກສະການປິ່ນປົວຂອງທີມແພດໝໍ ຂອງ ສປປ ລາວ ອີກດ້ວຍ.

ທ່ານນາງ ມາຣຽມ ເຊີຣ໌ແມນ, ອຳ​ນວຍ​ການທະນາຄານໂລກ ປະຈໍາປະເທດ ມຽນມາ, ກໍາປູເຈຍ ແລະ ສປປ ລາວ ໄດ້ ກ່າວວ່າ “ ດ້ວຍມາດຕະການການສະກັດກັ້ນທີ່ຕື່ນຕົວ, ການສູນເສຍຊີວິດ ແລະ ຜົນກະທົບຕໍ່ເສດຖະກິດຈາກການລະບາດຂອງ ໂຄວິດ-19ຈະເບົາບາງລົງ. ນີ້ເປັນຊ່ວງໄລຍະເວລາທີ່ສໍາຄັນທີ່ປະຊາຄົມສາກົນ ຈະຕ້ອງໄດ້ເຂົ້າມາຊ່ວຍ ສປປ ລາວ ໃນການສ້າງຄວາມເຂັ້ມແຂງໃຫ້ແກ່ລະບົບສາທາລະນະສຸກ ແລະ ເສີມສ້າງຄວາມອາດສາມາດໃນການຕອບໂຕ້.”

ໂຄງການນີ້ໄດ້ຖືກຮ່າງຂຶ້ນມາພາຍໃຕ້ກອບການຊ່ວຍເຫຼືອແບບຮີບດ່ວນຕໍ່ກັບການລະບາດຂອງພະຍາດໂຄວິດ 19ຂອງທະນາຄານໂລກ ໃນທົ່ວໂລກ ຊຶ່ງຖືກອອກແບບມາເພື່ອຕອບສະໜອງຢ່າງຮີບດ່ວນຕໍ່ຄວາມຕ້ອງການໄລຍະສັ້ນ ແລະ ຊ່ວຍເຫຼືອບັນດາປະເທດໃນການສ້າງ ລະບົບສາທາ ລະນະສຸກ ໃຫ້ມີຄວາມເຂັ້ມແຂງ ເພື່ອຮັບມືກັບເຫດສຸກເສີນໃນໄລຍະຍາວ.

ທ່ານ ບຸນໂຈມ ອຸບົນປະເສີດ, ຮອງລັດຖະມົນຕີ, ກະຊວງການເງິນ ໄດ້ກ່າວວ່າ “ລັດຖະບານ ສປປ ລາວ ຕີລາຄາສູງ ຕໍ່ການຊ່ວຍເຫຼືອຢ່າງ​ທັນ​ການຂອງທະນາຄານໂລກໃນຄັ້ງນີ້ ເຊິ່ງຈະຊ່ວຍປະກອບສ່ວນ ໃຫ້ ລະບົບສາທາລະນະສຸກ ພາຍໃນປະເທດມີຄວາມເຂັ້ມແຂງ ພ້ອມທັງເປັນອີກ ກຳລັງແຮງໜຶ່ງຊຸກຍູ້ ການຕອບໂຕ້ ແລະ ຄວບຄຸມການແຜ່ລະພາດຂອງ covid-19. ລັດ​ຖະ​ບານ ສ​ປ​ປ ລາວ ພວມວ​າງ​ມາດ​ຕະ​ການ​ ທີ່​ຈຳ​ເປັນ​ ເພື່ອ​ຮັບ​ມືກັບໂລກ​ລະ​ບາດນີ້”

ກຸ່ມທະນາຄານໂລກ ເພື່ອຕອບໂຕ້ກັບການລະບາດຂອງພະຍາດໂຄວິດ-19

ກຸ່ມທະນາຄານໂລກໄດ້ອະນຸມັດໂຄງການຊ່ວຍເຫຼືອແບບຮີບດ່ວນ ທີ່ມີມູນຄ່າສູງເຖິງ $14 ຕື້ໂດລາສະຫະລັດ ໂດຍມີຈຸດປະສົງເພື່ອເສີມສ້າງ ຄວາມເຂັ້ມແຂງໃນການຕອບໂຕ້ກັບພະຍາດ ໂຄວິດ-19 ໃຫ້ແກ່ບັນດາປະເທດກໍາລັງພັດທະນາ ແລະ ຫລຸດຜ່ອນໄລຍະເວລາຂອງການຟື້ນໂຕ. ການຊ່ວຍເຫຼືອທັນທີ ລວມມີ ການສະໜອງທຶນ, ການໃຫ້ຄໍາແນະນໍາດ້ານນະໂຍບາຍ ແລະ ການຊ່ວຍເຫຼືອດ້ານວິຊາການ ເພື່ອຊ່ວຍບັນດາປະເທດ ຮັບມືກັບຜົນກະທົບທີ່ມີຕໍ່ລະບົບສາທາລະນະສຸກ ແລະ ເສດຖະກິດຈາກການລະບາດ ໃຫ່ຍຂອງພະຍາດ ໂຄວິດໃນຄັ້ງນີ້. ຫ້ອງການ IFCໄດ້ສະໜອງທຶນ $8 ຕື້ໂດລາສະຫະລັດ ເພື່ອຊ່ວຍບັນດາທຸລະກິດເອກະຊົນທີ່ໄດ້ຮັບ ຜົນກະທົບຈາກ ການລະບາດໃຫ່ຍຂອງພະຍາດໂຄວິດ ແລະ ຮັກສາການຈ້າງງານ. IBRD and IDAໄດ້ສະໜອງທຶນເບື້ອງຕົ້ນ $6 ຕື້ໂດລາສະຫະລັດ ສໍາລັບການຕອບໂຕ້ທາງດ້ານສາທາລະນະສຸກ. ເນື່ອງຈາກຫຼາຍປະເທດຕ້ອງການຄວາມຊ່ວຍເຫຼືອໃນວົງກວ້າງ, ກຸ່ມທະນາຄານໂລກ ຈະອະນຸມັດ ງົບປະມານສູງເຖິງ $160 ຕື້ໂດລາສະຫະລັດ ໃນໄລຍະ 15 ເດືອນຂ້າງໜ້ານີ້ ເຂົ້າໃນການປົກປ້ອງຄົນທຸກຈົນ ແລະ ຜູ້ດ້ອຍໂອກາດ, ສົ່ງເສີມພາກທຸລະກິດ ແລະ ໜູນການຟື້ນໂຕຂອງເສດຖະກິດ.

About The World Bank

The World Bank Group has a bold vision: to create a world free of poverty on a livable planet. In more than 100 countries, the World Bank Group provides financing, advice, and innovative solutions that improve lives by creating jobs, strengthening economic growth, and confronting the most urgent global challenges. For more information, please visit www.worldbank.org, www.miga.org, and www.ifc.org.