WASHINGTON, Mun Disemba 16, 2011 - Bod bilong ol Eksekutiv Darektos long Wol Benk ibin sindaun long wanpela kivung long tunde namba 13 dei long mun disemba long yia 2011. Ol ikamapim bikpela toktok bihainim ol Wok Painim Aut, husat Investigation Panel i bin mekim long Smallholder Agriculture Development Project (SADP) wantaim ripot na bekim bilong Wol Benk Menesmen. Bod I bin givim tok orait long Eksen Plen bilong Menesmen, na tu i hamamas long ol tingting insait we Menesmen Ripot i tokaut long wok projek imas mekim bihainim ol hevi na wari ol mausman i kamapim.
Wol Benk ibin givim tok orait long SADP long yia 2007 bihinim ol askim Gavman bilong PNG i bin mekim makim ol blok manmeri husat oli planim wel pam. Dispela tingting ibin kamap long wanem wok didiman i kamap olsem nambawan rot ol hauslain i nap mekim kamapim moni bilong wanwan manmeri, na tu wel pam i givim gutpela win moni moa long ol narapela kes krop.
As tingting bilong dispela projek,em long halivim ol komiuniti long wok bung wantaim long wok divelopmen na tu apim ol win moni igo insait long ol ples we wel pam i stap pinis. Bikpela moni mak bilong projek bai halivim ol wok long ol rot we ol bagarap i kamap pinis. Gutpela rot tasol i save halivim ol sevis bilong gavaman, na tu ol manmeri long salim ol gaden kaikai long maket na tu ol arapela wok bilong kamapim moni insait long ol komiuniti we bai daunim sindaun turangu. Dispela projek i kamap insait long tupela provins Oro na West New Britain, inap long faefpela yia olgeta. Pasin bilong lukautim ol bikpela bus na tu ol kainkain laef insaet long bus, SADP bai wok tasol long ol ples we wel pam ikamap pinis, long ol hap we igat spes namel long ol wel pam blok klostu long ol rot.
Dispela Wok Painim Aut i bin kamap makin maus bilong sampela wel pam blok manmeri long Oro Provins husat ino bin wanbel wantaim Wol Benk, long wanem oli bilip olsem sampela wok polisi bilong Benk projek ino bihainim, we inap kamapim ol bagarap. Ol dispela lain i no hamamas long wanem wel pam ibin kamap pinis longpela taim nau tasol i soim olsem ol manmeri inogat gutpela sindaun long ol wanwan blok bilong ol. Ol ino bin wanbel tu long wanem ol i bilip olsem projek ino bin wokim gutpela tok klia igo long ol komiuniti wantaim ol memba long ol ples na tu ol pepa ino bin stap long tokples bilong ol. Bikpela wari tu long wanem projek i asikim ol wel pam groa long baem levi long sapotim wok bilong ol rot, na dispela ol i bilip bai daunim moa win moni bilong ol.
“Wanpela gutpela wok bilong Inspection Panel em long makim maus bilong ol manmeri husat istap aninit long ol projek, long kamap wantaim ol hevi bilong ol long bikpela ples bilong skelim ol tingting insaet long Wol Benk” Dispela tokotk Siaman bilong Wok Painim Aut Roberto Lenton,i mekim.
“Imas gat bikpela luksave long skelim gut ol tingting blong ol manmeri, na tu igat ol wei bilong mekim ol wok kamap wantaim olgeta luksave na wok painim aut dispel ripot I kamapim pinis.”
“Dispela Projek bai kamapim gutpela sindaun bilong ol manmeri insaet long Papua New Guinea na tu long strongim ekonomi insaet long ol ples na daunim sindaun turangu na tu long banisim ol gutpela bus.,” said Ferid Belhaj, Wol Benk Country Darecto bilong Papua New Guinea imekim dispela toktok.
Wok Painim Aut i soim olsem dispela tok klia igo long ol manmeri makim projek ino bihainim polisi bilong Benk, long wanem Menesmen i asua long luksave long pasin na tanim ol toktok igo long tokples we ol manmeri bai klia moa long wanem samting projek bai mekim, long kisim tok orait wantaim sapot bilong ol komiuniti. Wok Painim Aut itok tu olsem projek bai apim win moni bilong ol wel pam groas bihainim Wol Benk polisi long daunim pasin tutarangu tasol oli bilip olsem projek ino bihainim polisi makim ol Asples o ol Papa Graun (Indigenous Peoples Policy) long tok klia long ol pasin bilong kamapim ol gutpela sindaun.
Dispela Wok Painim Aut i wanbel wantaim tingting bilong Menesmen long kamapim wanpela wei long mentenim ol rot, na dispela ikamap namba wan tru long wok bilong wel pam indastri. Long taim bilong dispela kivung Menesmen i tok klia moa long mekim kamapim wanpela Tras Fan bilong lukluk long stretim ol rot, tasol bai mas gat sampela toktok moa yet namel long ol narapela lain tu wantaim tok orait bilong ol wantaim moni mak.
Long saet bilong Environmen wantaim ol bagarap, Wok Painim Aut i soim olsem projek i bihainim Wol Benk Polisi long pasin bilong daunim hevi long enviromen, tasol dispela ino wankain wantaim ol hevi bilong pipia wara ikam long haus bilong kukim ol wel pam prut, Dispela Panel i wanbel long Eksen Plen we ol itok oraitim long mun July 2011, na dispela ol wok bai daunim ol bagaraap ikam long ples bilong kukim wel pam prut olsem pipia wara.
Menesmen i luksave long ol wel pam groas wantaim gavaman we oli givim bikpela sapot long projek, Groas Association tu i raitim wanpela pas makim 6,000 groas long sapotim projek Long taim dispela askim bilong Wok Painim Aut i kamap Menesmen i bekim ol askim na tanim ol pepa igo long tok pisin tu. Menesmen i tok klia tu olsem projek i lukluk tu long ol narapela rot bilong kamapim moni. Wol Benk i lainim planti samting long dispela Wok Painim Aut na luksave long ol asua ikamap, tasol bai wok moa long kamapim gut ol wok. Menesmen i wok strong moa nau na bihain taim tu long bihainim gut ol pasin na tanim ol toktok insaet long ol pepa igo long Tok Pisin. Wok Painim Aut tu i halivim long soim pasin bilong mekim Menesmen Eksen Plen bilong ol pipia wara i kam long ples bilong kukiim wel pam prut. Menesmen i autim bikpela komitmen long apim ol gutpela bilong projek. Menesmen i tok orait long ripot igobek long Bod makim ol wok istap pinis long Eksen Plen, we istap insaet long Menesmen Ripot.
Contacts:
In Washington: Carl Hanlon, +1 202 473-8087, chanlon@worldbank.org
In Sydney: Laura Keenan, +612 9235 6545, lkeenan@worldbank.org
In Port Moresby: Raymond Palangat, +675 321-7111, rpalangat@worldbank.org
Inspection Panel: Luis Schunk, +1 202 473 1779, lschunk@worldbank.org
The Inspection Panel Dispela Wok Painim Aut, ikamap aninit long Bod bilong ol Eksekutiv Darektos Bilong Skelim na Stretim ol Hevi insaet long International Bank for Reconstruction and Development (IBRD) wantaim International Development Association (IDA) long yia 1993. Long makim ol hevi insaet long ol komuniti projek wok ikamapim dispela Inspection Panel isanap em yet "luksave long statim baunbilo ikam antap" pasin bilong kamapim gutpela wok, na skelim ol projek IBRD/IDA isave sapotim long sekim gut sapos Wol Benk I bihainim ol polisi bilong wok insaet long projek (Dispela luksave tu wankain long saet long sindaun bilong ol manmeri na ol banis bilong environment) na daunim ol bagarap.
Sapos yu laik kisim dispela Ripot bilong ol Wok Painim Aut wantaim tu Wol Benk Menesmen Ripot na ol luksave long bekim igo long Inspection Panel Ripot, Lukluk insait long Inspection Panel website at www.inspectionpanel.org
Sapos yu laik save moa long Smallholder Agriculture Development Project, lukluk insaet long https://go.worldbank.org/JJ3P9YBK40
