2017 වර්ෂයේදී රැකියා අවස්ථා 497,000ක් සඳහා ශ්‍රමිකයන්ගේ හිඟයක් පැවති බවට තක්සේරු කර තිබේ. රැකියා අපේක්ෂකයන් සතු හැකියාවන්ගේ නොගැළපීම,සේවා නියුක්තිකයන්ගේ අපේක්ෂාවන් යනාදිය සංචාරක කර්මාන්තය වැනි අංශ කෙරෙහි අහිතකර බලපෑමක් එල්ල කොට තිබේ.වර්තමානයේදී රට තුළ වාර්තා වන ඉහල මට්ටමේ තරුණ විරැකියාව මගින් කියාපාන්නේ ශ්‍රී ලංකාවේ ප්‍රතිසංස්කරණ න්‍යාය පත්‍රයේ වැදගත්කමයි.
ශ්‍රී ලංකාවේ සංවර්ධන ඇගයීම [SLDU- Sri Lanka Development Update], පිළිබඳ ලෝක බැංකුවේ නවතම සංස්කරණය එළි දක්වන සාකච්ඡාවකදී,සභිකයන් විසින් හඳුනා ගත් කරුණක් වූයේ, රැකියා උත්පාදනය කිරීමේදී ශ්‍රී ලංකාව අධ්‍යාපනය සහ නෛතික ව්‍යුහය යන පරාසය සම්බන්ධයෙන් එකිනෙකට බද්ධ වූ සංකීර්ණ අභියෝග රැසකට මුහුණපාන බවයි. තාක්ෂණය ලෝක රැකියාවන්හි සීඝ්‍ර පෙරළියක් කළ හෙයින් තරුණ ප්‍රජාව ලෝකය වෙනසක් කරා ගෙන යනු ඇති.
“රැකියා බිහි කිරීමේ පෙරමුණෙහි තරුණ සහභාගීත්වයක් දැකීමට අපි අපේක්ෂා කරනවා. ඔවුන් විසින් ප්‍රතිපත්ති සම්පාදකයන්, පෞද්ගලික අංශය සහ රාජ්‍ය අංශය සවිබල ගැන්වීම මගින් හෙට දිනයේ සේවා නියුක්තිකයන් සහ නවෝත්පාදකයන් වනු දැකීම අපගේ අරමුණයි.” යනුවෙන් ශ්‍රී ලංකාවේ සහ මාලදිවයිනෙහි ලෝක බැංකු අධ්‍යක්ෂක ආචාර්ය අයිඩා ස්වරායි රිඩ්ඩිහොග් ප්‍රකාශ කළේය.
ශ්‍රී ලංකාව එහි අපනයන ඉහළ නැංවීමට වෙහෙසෙන ආකාරයෙන්ම අනෙකුත් රටවල් සමඟ කරට කර තරඟ කිරීමට ලාංකීය ශ්‍රම බලකාය පෙළඹවිය යුතුය. SLDUහි එක් කතුවරයෙක් සහ ජ්‍යෙෂ්ඨ ආර්ථික විද්‍යාඥයෙකු වන රැල්ෆ් වැන් ඩුන් ප්‍රකාශ කරන්නේ,” අපි විශ්වාස කරන්නේ රැකියා න්‍යාය පත්‍රය තරඟකාරී එකක් විය යුතු බවයි. ඔබ තරඟකාරී වන තරමට ඔබට වඩාත් තරගකාරී සහ සුදුසු රැකියා නිර්මාණය කර ගැනීමේ හැකියාවක් පවතී.”
පහතින් දැක්වෙන්නේ ආර්ථික විද්‍යාඥ කිත්මිණ හේවගේ විසින් මෙහෙය වූ දීර්ඝ සාකාච්ඡාවේ වැදගත් කරුණුය.
