ធនាគារពិភពលោកតែងតាំង លោក Carlos Felipe Jaramillo ជាអនុប្រធាន សម្រាប់តំបន់អាស៊ីបូព៌ា និងប៉ាស៊ីហ្វ៊ិក

សិង្ហបុរី, ថ្ងៃទី១៥ ខែកញ្ញា ឆ្នាំ២០២៥ — ក្រុមធនាគារពិភពលោកបានតែងតាំង លោក Carlos Felipe Jaramillo ជាអនុប្រធានសម្រាប់តំបន់អាស៊ីបូព៌ា និងប៉ាស៊ីហ្វិក (EAP) ដែលមាន​អានុភាព​ចាប់ពីថ្ងៃទី១៥ ខែកញ្ញា ឆ្នាំ២០២៥ នេះតទៅ។

លោក Jaramillo បាននាំមកជាមួយ​នូវ​សមត្ថភាព​ដឹកនាំជាក់ស្តែង​អស់​ពេលជាងពីរទសវត្សរ៍ នៅ​តាម​តំបន់ និងកម្មវិធីអនុវត្ត​សកលជាច្រើន ដែលធ្វើ​ឱ្យលោកមានបទពិសោធន៍រឹងមាំក្នុង​ការ​ដឹកនាំរបៀបវារៈផ្តោតលើការអភិវឌ្ឍការងារ​របស់​ធនាគារ​ពិភពលោក នៅ​ក្នុងតំបន់មួយពោរពេញដោយថាមវន្តដ៏អស្ចារ្យបំផុត របស់ពិភពលោក។

ក្នុងនាមជាអនុប្រធានសម្រាប់តំបន់អាស៊ីបូព៌ា និងប៉ាស៊ីហ្វិក លោក Jaramillo នឹង​មើលការខុសត្រូវរួម​លើ​ភាព​ជា​ដៃគូជាមួយប្រទេសចំនួន ២៣ និងចាត់ចែង​ផតហ្វូលីយោ​ដែល​មាន​តម្លៃទឹកប្រាក់​សរុប​ជាង ៣២ ពាន់លានដុល្លារអាម៉េរិក។ ពីការិយាល័យនៅប្រទេស​សិង្ហបុរី ដែលជាមជ្ឈមណ្ឌលតំបន់ថ្មីសម្រាប់តំបន់នេះ ស្របទៅហ្នឹងកម្មវិធីវិមជ្ឈការរបស់ធនាគារពិភពលោកដែលនៅជិតនឹងអតិថិជន និងការបង្កើនការផ្តល់សេវាឱ្យបានប្រសើរ។

លោក Carlos Felipe Jaramillo អនុប្រធានធនាគារពិភពលោកសម្រាប់តំបន់អាស៊ីបូព៌ា និងប៉ាស៊ីហ្វិក បានថ្លែងថា៖ “អាស៊ីបូព៌ា និងប៉ាស៊ីហ្វ៊ិក នៅតែជាក្បាល​ម៉ាស៊ីនមួយ​សម្រាប់​ជំរុញ​កំណើន​ បច្ចេកវិទ្យា និងនវានុវត្តន៍របស់ពិភពលោក ដែលផ្តល់ការយល់ដឹងស៊ីជម្រៅ អំពីការអភិវឌ្ឍដល់ប្រទេសដទៃទៀត។ ខ្ញុំប្តេជ្ញាថា​នឹង​ប្រឹង​ធ្វើការជាមួយដៃគូរបស់យើង រួមទាំងក្នុងវិស័យថាមពល ការអភិវឌ្ឍធនធានមនុស្ស និងឌីជីថល ដើម្បីបង្កើនឥទ្ធិពលក្នុង​ការបង្កើត​ការងារឱ្យ​កាន់តែច្រើន និងធ្វើ​ឱ្យ​សហគមន៍កាន់តែ​រីកចម្រើនសម្រាប់មនុស្សគ្រប់គ្នា។”

មុននឹងទទួល​ការ​តែងតាំងថ្មី​​នេះ លោក Jaramillo ធ្លាប់​បម្រើការជាអនុប្រធានសម្រាប់តំបន់អាម៉េរិកឡាទីន និងការ៉ាអ៊ីប ចាប់តាំងពីឆ្នាំ២០២០ មក ដែលមើលការខុសត្រូវសម្រាប់​ប្រទេសចំនួន ៣១ ដែលមាន​ផតហ្វូលីយោ​ដែល​មាន​តម្លៃទឹកប្រាក់​សរុប​ជាង ៤១,៥ ពាន់លានដុល្លារអាម៉េរិក។ មុននេះទៅទៀត​ ក្នុង​នាម​ជានាយកផ្នែកសម្រាប់ប្រទេសអេរីត្រេ កេនយ៉ា រវ៉ាន់ដា សូម៉ាលី និងអ៊ូហ្គង់ដា លោកបានគ្រប់គ្រងគម្រោងជាង ៨០ ដែលមានតម្លៃជាង ១២ ពាន់លានដុល្លារអាម៉េរិក និងដឹកនាំការអនុវត្តសកលផ្នែកសេដ្ឋកិច្ចម៉ាក្រូ ពាណិជ្ជកម្ម និងការវិនិយោគ និងជានាយកផ្នែកអនុវត្តការងារលើការវិនិយោគ ផង​ដែរ​។

មុនពេលចូលបម្រើការងារនៅធនាគារ លោក Jaramillo បានកាន់តំណែងជាន់ខ្ពស់នៅក្នុងរដ្ឋាភិបាលនៃ​ប្រទេស​កូឡុំប៊ី។ លោកមានសញ្ញាបត្រ​ថ្នាក់បណ្ឌិត និងអនុបណ្ឌិតផ្នែកសេដ្ឋកិច្ចអភិវឌ្ឍន៍ពីសាកលវិទ្យាល័យ Stanford University។

About The World Bank

The World Bank Group has a bold vision: to create a world free of poverty on a livable planet. In more than 100 countries, the World Bank Group provides financing, advice, and innovative solutions that improve lives by creating jobs, strengthening economic growth, and confronting the most urgent global challenges. For more information, please visit www.worldbank.org, www.miga.org, and www.ifc.org.