په افغانستان کې د بشري مرستو لپاره د ۲۸۰ میلیون ډالرو د انتقال په هکله د افغانستان د بیارغونې صندوق د تمویلوونکو د پریکړې په اړه خبري اعلامیه

د ۲۰۲۱ کال د دسامبر ۱۰مه: نن د افغانستان د بیارغونې صندوق پرېکړه وکړه چې د ۲۰۲۱ د ډسمبر تر پایه پورې دې د افغانستان د بیارغونې صندوق ۲۸۰ میلیونه ډالر د ملګرو ملتونو د ماشومانو د ملاتړ صندوق(یونیسف) او د نړۍ خوراکي سازمان ته انتقال کړي. دغه پرېکړه، په دې کړکیچنو شرایطو کې د افغانستان خلکو ته د بشري مرستو د برابرولو لپاره د افغانستان د بیارغونې صندوق له پاتې برخې پیسو څخه د مجددې استفادې په لاره کې لومړی ګام دی.

یونیسف او د نړۍ خوراکي سازمان په افغانستان کې حضور لري او د دغه مالي مرستې د استفادې لپاره لوجستیکي ظرفیت لري. دغه دواړه سازمانونه به دا پیسې د خپلو شتو پروګرامونو د مالي تشې د ډکولو لپاره وکاروي چې صحي او خوراکي خدمتونه له خپلو پالیسیو او پروسیجرونو سره سم، نېغ په نېغه د افغانستان وګړو ته ورسوي.

یونیسف به ۱۰۰ میلیونه ډالر ترلاسه کړي چې د نړیوال روغتیايي سازمان په ملتیا په صحتمندي پروګرام او د روغتیا په برخه کې د فعالو عرضه کوونکو بنسټونو له لارې به اساسي صحي خدمتونه افغانانو ته برابر کړي. د نړۍ خوراکي سازمان به ۱۸۰ میلیونه ډالر د دې لپاره ترلاسه کړي چې په هېواد کې د غذايي خوندیتوب ترڅنګ د خوراکي توکو په برابرولو کې آسانتیاوې برابرې کړي. د افغانستان د بیارغونې صندوق دغه پیسې به یونیسف په دې قادر کړي چې ۱۲.۵ میلیونه وګړو ته اساسي صحي خدمتونه برابر او یو میلیون کسانو ته واکسین تطبیق کړي. همدارنګه، د نړۍ خوراکي سازمان به وتوانېږي چې ۲.۷ میلیونه وګړو ته خوراکي مرستې او ۸۴۰ زره میندو او ماشومانو ته د سالمې تغذي مرستې برابرې کړي.

د نړیوال بانک مدیره پلاوي په تېره اونۍ کې یې له دغې تګلارې ملاتړ وکړ. نړیوال بانک به د افغانستان د بیارغونې صندوق له مرسته کوونکو سره کار وکړي څو د نوموړي صندوق لا زیاتې مالي مرستې د افغانستان د خلکو د ملاتړ لپاره آزادې کړي.

.

About The World Bank

The World Bank Group has a bold vision: to create a world free of poverty on a livable planet. In more than 100 countries, the World Bank Group provides financing, advice, and innovative solutions that improve lives by creating jobs, strengthening economic growth, and confronting the most urgent global challenges. For more information, please visit www.worldbank.org, www.miga.org, and www.ifc.org.